Straika wa zamani wa Borussia Dortmund, Mfaransa Anthony Modeste anatarajiwa kutambulishwa na klabu ya Al Ahly ya Misri muda wowote kuanzia sasa kama mchezaji wao mpya baada ya kufaulu vipimo vyake vya afya nchini Ujerumani.
Modeste,35, alisaini mkataba mfupi wa mwaka mmoja na Dortmund akitokea FC Koln pia ya Ujerumani kuziba nafasi ya Sebastian Haller kwa muda aliyekuwa akisumbuliwa na maradhi. Alicheza mechi 19 kwenye msimu wa 2022-2023 na kufunga mabao 2 pekee mpaka alipoachwa May,2023. Goli lake la kusawazisha dhidi ya Bayern Munich kwenye Der Klassiker dakika ya 95 ya mchezo ni goli lake maarufu zaidi.
Anatarajiwa kusaini mkataba wa miaka miwili na vigogo hivyo vya soka barani Afrika na kuwa miongoni mwa wachezaji watakaoivaa jezi maarufu ya Al Ahly kwenye michuano ya Africa Football League na mashindano mengine.
