Klabu ya soka ya Young Africans inatarajiwa kuondoka leo jioni kuelekea jijini Kigali, Rwanda kwa ajili ya mchezo wa utangulizi wa pili kuelekea hatua ya makundi ya ligi ya mabingwa barani Afrika dhidi ya klabu ya soka ya El Merreikh ya nchini Sudan kwenye dimba la Pele Nyamirambo Jumamosi ya Tarehe 16/09/2023 majira ya saa 10 jioni kwa saa za Tanzania.
Kikosi cha wachezaji 26 kitasafiri huku nahodha Bakari Nondo Mwamnyeto akikosekana safarini kwa sababu za kifamilia na Kocha Miguel Gamondi ameridhia kummruhusu abaki ashughulikie suala lake. Hata hivyo bado kikosi kinaonekana kimesheheni kama ukionavyo na kinatajiwa kwenda kufanya vizuri kwenye mchezo wao huo bila Nahodha wao.
