Klabu ya FC Barcelona ya nchini Hispania ipo katika mpango wa kumpa mkataba mpya Frenkie de Jong, mkurugenzi wa michezo wa klabu hiyo Anderson Luis de Souza ‘Deco’ athibitisha
Tunataka Frenkie abaki katika klabu kwa miaka mingi. Anacheza katika kiwango cha juu, anaipenda klabu.
Ninamuona akipenda maisha yake huko Barca na mwishowe, kila mara ni mchezaji anayeamua. Ana mkataba hadi 2026, tunataka abakie kwa muda mrefu bila shaka.
Ni sawa kwa Frenkie lakini pia Pedri, Gavi, Araújo, Gündogan, huo ndio mpango wa klabu kwa muda mrefu.
Alisema Mkurugenzi wa michezo wa klabu ya Barcelona Deco.
Ikumbukwe kuwa Frankie de Jong aliwahi kuhusishwa na kujiunga Manchester United, huku yeye mwenyewe akikataa kujiunga na miamba hiyo ya nchini Uingereza ingawa Barcelona walikubali ofa kutoka kwa klabu hiyo ya Ligi Kuu ya Uingereza. Chombo cha habari cha Uhispania Sport kilifichua kwamba wakala wa kiungo huyo wa kati wa Uholanzi Ali Dursun alikutana na Mkurugenzi Mtendaji wa Manchester United Richard Arnold na mkurugenzi wa michezo wa klabu hiyo John Murtough na akakataa moja kwa moja kujiunga na Manchester United.
Ripoti zilisema kwamba de Jong hakutaka kuondoka Barcelona katika dirisha kubwa la joto msimu wa 2022/2023.
Yuko thabiti katika kukataa kwake kwenda Manchester United.
Alisema Ali Dursun ambaye ni wakala wa mchezaji Frankie de Jong
Klabu ya FC Barcelona ilikuwa na nia ya kumuuza mchezaji huyo mwenye umri wa miaka 26 ili kupata fedha za kumnunua Robert Lewandowski kutoka Bayern Munich.
