CASEMIRO “NAJUTA KUJIUNGA MAN UNITED”

Ripoti ya kushangaza imedai kwamba Casemiro “anajuta” kujiunga na Manchester United baada ya kushuhudia “kuyumba kwa taasisi” huko Old Trafford. Huku taarifa zikiendelea kusema kuwa kiungo huyo aliyewahi kucheza katika kikosi cha Real Madrid hana furaha klabuni hapo.

Casemiro amekuwa na wasiwasi na jinsi klabu hiyo inavyoendeshwa nje ya uwanja, lakini dalili zinaonesha kwamba miamba hiyo ya Old Trafford United haina mpango wa kumuuza Casemiro mwezi Januari kutokana na ukweli kuwa bado yuko chini ya mkataba hadi 2026

Mbrazil huyo alihamia Old Trafford kutoka Real Madrid kwa uhamisho wa pesa nyingi msimu uliopita wa joto na alikuwa kwenye kiwango bora sana chini ya Erik ten Hag katika msimu wake wa kwanza, na kuisaidia klabu hiyo kumaliza katika nafasi ya nne bora na kuchukua ubingwa wa Carabao. Msimu huu, ingawa, Casemiro amekuwa na matatizo, na chapisho la Kikatalani EL Nacional limedai kuwa “anajuta” kujiunga na mashetani hao wekundu.

Katika upande mwingine klabu ya Manchester United wanaripotiwa kutaka kumnunua Joao Neves wa Benfica kama mbadala wake. Huku klabu hiyo ikiwa tayari imeanza kuchunguza uwezekano wa kumsajili Neves, na wamegundua kwamba watahitaji kutumia angalau €70 milioni (£61 m/$74) kumsajili mchezaji huyo wa kimataifa wa Ureno.