KOCHA SPURS ACHUKIZWA NA TIMU YAKE.

Kocha mkuu wa kikosi cha Tottenham Hotspurs Ange Postecoglou hakuonyesha kufurahishwa na namna kikosi chake kilivyocheza dhidi ya Fulham katika mchezo wa Ligi kuu kandanda nchini England hapo jana licha ya timu hiyo kuibuka na ushindi wa goli 2-1 na kuwa kileleni mwa msimamo wa Ligi hiyo.

Heung Min Son na James Maddison walifunga katika vipindi tofauti vya mchezo huo na kuifanya timu hiyo kuwa juu ya Manchester united na Arsenal kwa tofauti ya alama mbili (2).

Yalikuwa ni matokeo mazuri. Fulham ni wapinzani wagumu kuwakabili lakini tulifanikiwa kwenye kipindi cha kwanza. Nafikiri tungekuwa makini tulikuwa tunawafunga goli la pili na la tatu.

Kipindi cha pili hakikuwa kizuri kwa upande wetu, hatukucheza katika kiwango chetu, kilikuwa ni kiwango kibovu tangu msimu uanze, tulikuwa vibaya. Bila mpira tulikuwa vizuri, bado tuna kazi kubwa ya kufanya.

Hatukucheza aina ya mpira tunaotaka bali tulicheza kuendana na aina ya mchezo, kitu ambacho sikufurahishwa nacho.

Kocha wa Tottenham Postecoglou

Baada ya ushindi wa jana unamfanya kocha Postecoglou kuvunja rekodi ya kukusanya alama nyingi baada ya mechi tisa (9) akikusanya na alama 23. Kwa upande wa kocha huyo raia wa Australia haangalii zaidi kupata rekodi zake binafsi.

Nimefurahishwa na namna tulivyoanza , pongezi kwa wale wote walioshiriki. Tupo hapa kwasababu tunastahili kuwa hapa, lakini tujue kuwa tuna kazi kubwa ya kufanya.

Kocha Postecoglou aliongeza.