Sadio Mane amenunua klabu ya Ufaransa ya Bourges Foot 18, ambayo inacheza katika ligi daraja la nne. Nyota huyo wa Senegal, ambaye aliondoka Ulaya majira ya joto na kusajiliwa na klabu ya Al-Nassr ya Saudi Pro League, amekuwa akitafuta kununua klabu ya soka kwa muda mrefu na uhusiano wake na Rais wa Bourges Foot 18, Cheikh Sylla umekuwa ufunguo katika kufanikisha mpango huo.
Tangazo lilitolewa Jumatano kwenye mtandao wa kijamii na Mane hapo awali akichangia pesa kwa kilabu kusaidia kuajiri. Lakini sasa amehusika kikamilifu baada ya kupokea kibali cha meya wa jiji hilo, Yann Galut.
Tumekuwa tukifanya kazi na jiji kwa miaka mitatu iliyopita. Tuko hapa kuilea na kuandaa klabu. Changamoto ni kubwa, lakini ikiwa watu wa Bourges wanaendelea kuhusika, nina imani tunaweza kufikia malengo yetu. Ninaamini nitatembelea Bourges hivi karibuni.
Mane alisema hayo baada ya kukamilika kwa taratibu zote za mkataba huo.
Klabu hiyo iko umbali wa kilomita 250 kutoka Paris katikati mwa Ufaransa, lakini haijawahi kucheza juu zaidi ya daraja la pili la Ufaransa (kama Bourges 18). Kwa sasa Bourges wanashika nafasi ya pili mkiani katika Kundi B la Bingwa wa Taifa.
Mane alianza maisha yake ya soka katika klabu ya Metz ya Ufaransa zaidi ya muongo mmoja uliopita kabla ya kuhamia Red Bull Salzburg. Baadae klabu ya Southampton ikampeleka kwenye Ligi Kuu ya Uingereza na kumwezesha Mane kucheza katika kiwango kikubwa baadaye alihamia Liverpool, na akashinda tuzo nyingi za heshima ikiwa ni pamoja na kombe la ligi kuu nchini Uingereza na Ligi ya Mabingwa Barani Ulaya (UEFA), huku pia akifungia klabu yake ya Liverpool zaidi ya mabao 100.
Licha ya mafanikio yake ya kuendelea, Mane amejulikana kwa ukarimu wake – kila mara akikumbuka mizizi yake na kujaribu kusaidia wale wasiojiweza.
