TWIGA STARS YAICHAPA BOTSWANA.

Timu ya Taifa ya wanawake Twiga Stars leo imeibuka na ushindi wa goli 2-0 dhidi ya timu ya Taifa ya Botswana katika mchezo wa kutafuta tiketi ya kufuzu michuano ya Olympic uliofanyika kwenye dimba la Azam Complex Chamazi, Jijini Dar Es Salaam.

Twiga Stars ilipata goli la uongozi mapema kupitia kwa Opah Clement kwa mkwaju wa Penalty baada ya Aisha Masaka kuangushwa kwenye eneo la 18 la timu ya Taifa ya Botswana, Tanzania walionyesha kuutawala mchezo katika dakika zote 45 za kipindi cha kwanza.

Dakika 45 za kipindi cha Pili kilishuhudia goli moja lililowekwa kambani na Asha Masaka baada ya kazi safi iliyofanywa na Opah Clement aliyepiga pasi safi kutoka pembezoni mwa uwanja na kumkuta Asha Masaka akiliangalia goli na kisha kutumbukiza kambani na kuifanya Twiga Stars iongoze kwa magoli 2-0.

Mchezo wa marejeano utapigwa nchini Botswana na mshindi wa jumla atafuzu kwenda hatua inayofuata ili kuendelea kuisaka tiketi ya kufuzu fainal za Olympic mwakani.