JUDE BELLINGHAM AIOKOA MADRID.

Jude Bellingham leo ameiokoa timu yake ya Real Madrid kutoka kwenye kipigo dhidi ya FC Barcelona baada ya kutupia magoli mawili (2) katika ushindi wa goli 1-2. Hii ilikuwa ni El Classico ya kwanza kwa Jude Bellingham nyota huyo raia wa England.

Jude Bellingham sasa anafikisha magoli kumi (10) katika michezo kumi (10) ya Ligi kuu nchini Hispania, katika mashindano yote Jude amecheza michezo 13 na amefunga magoli 13 na kutoa pasi za usaidizi wa magoli tatu (3).

Katika mchezo wa leo dhidi ya Barcelona, Luka Modric ameweka historia ya kuwa mchezaji mwenye umri mkubwa zaidi kucheza El Classico akiwa na miaka 38 na siku 47. Aliingia hii leo wakati timu yake ikiwa inaongozwa goli 1-0 lakini baada tu ya kuingia kwake mambo yakabadilika kwa upande wa Real Madrid na kushinda goli 1-2.

Baada ya ushindi wa leo Real Madrid sasa imekwea kileleni mwa msimamo wa Ligi nchini Hispania na inafikisha alama 28 katika michezo 11 aliyocheza akishinda michezo tisa (9), sare moja (1) na kupoteza mchezo mmoja (1), amefunga jumla ya magoli 23 na ameruhusu magoli nane (8).

Barcelona kwa matokeo ya leo anasalia katika nafasi yake ya tatu (3) akiwa na alama 24, akishinda michezo saba (7), sare tatu (3) na imepoteza kwa mara ya kwanza hii leo tangu msimu huu uanze. Hata hivyo klabu hiyo inaandamwa na majeruhi wengi wa kikosi cha kwanza.