HAZARD: MESSI ANASTAHILI BALLON D’OR.

Kuelekea usiku wa Tuzo za ballon D’or ambazo zinatarajiwa kutolewa leo Jumatatu, October 30, nyota wa wa timu ya Taifa ya Argentina na klabu ya Inter Miami, Leonel Messi anaonekana ni miongoni mwa wachezaji wanaopigiwa upatu mkubwa wa kubeba tuzo hii katika Jiji la Paris.

Nyota huyo wa Inter Miami baada ya kubeba kombe la Dunia lililofanyika nchini Qatar akiwa na kikosi cha Timu ya Taifa ya Argentina watu wengi wamekuwa wakimpigia chapuo apewe tuzo hiyo ambayo itakuwa ni tuzo ya nane kwa upande wake.

Hata hivyo, Messi anakumbana na ushindani mkubwa kutoka kwa nyota wa klabu ya Manchester City, Erling Haaland ambaye aliifanikisha timu yake kubeba kombe la Ligi ya Mabingwa Barani Ulaya kwa mara ya kwanza na kubeba makombe matatu ya ndani nchini England. Kylian Mbappe pia anaonekana kuwa mpinzani mwingine ambaye alifunga Hattrick katika mchezo wa fainali ya kombe la Dunia dhidi ya Argentina.

Nyota wa zamani wa Chelsea na Real Madrid Eden Hazard anasema Leonel Messi anastahili kubeba tuzo hiyo mwaka huu.

Haitakuwa na maana kama Ballon D’or hatapewa mchezaji bora kwenye historia kwa mwaka ambao alibeba kombe la Dunia, kama kombe la Dunia ingebeba Ufaransa, Kylian alikuwa anastahili kubeba bila shaka kwa asilimia 100.

Eden Hazard alisema.