Manchester City wanapanga kumsajili kinda wa Manchester United Kobbie Mainoo, ripoti zinasema kwamba washindi wa makombe matatu wa msimu uliopita wana nia ya kumnasa kinda huyo mwenye umri wa miaka 18, anayetazamiwa kuwa tegemeo bora zaidi anayechipukia katika kikosi cha Manchester United.
Sera ya uhamisho ya Mashetani hao wekundu imekuwa mashakani tangu kustaafu kwa aliyekuwa kocha wa klabu hiyo Sir Alex Ferguson, huku hofu ikiwa imetanda juu ya uwezekano wa kumpoteza mchezaji huyo kwa wapinzani wao wa jadi.
Mainoo anaheshimika sana Old Trafford na amerejea kutoka kwenye majeraha aliyoyapata kipindi ambacho Manchester United ikiwa kwenye maandalizi ya msimu mpya wa mashindano 2023/24. Nia ya Manchester City kumuhitaji Mainoo sio jambo jipya. Mwanahabari Steven Railston anadokeza kwamba klabu ya Manchester City wamejaribu kutuma maombi kadhaa ili kujaribu kumsajili kinda huyo lakini, kwa mkataba wa muda mrefu uliopo hadi 2027, United hawafikirii kupokea ofa yoyote kutoka kwa mahasimu wao.
