Klabu ya JKT Queens leo imeibuka na ushindi wa 1-2 dhidi ya Athletico Abidjan ya nchini Ivory Coast katika michezo ya Ligi ya mabingwa Barani Afrika kwa upande wa wanawake inayoendelea nchini Ivory Coast. JKT Queens.
Athletico fc d’Abidjan walianza kutangulia kupata goli dakika ya 33 kipindi cha kwanza kupitia kwa mshambuliaji wake hatari Adjoua Niamien goli ambalo lilidunu hadi mapumziko licha ya kosa kosa nyingi kutokea langoni mwa Athletico.
Kipindi cha pili kilipoanza Kikosi cha JKT Queens kinachoongozwa na kocha Esther Chaburuma kilifanya mabadiliko kwa kumtoa Diana Mnally ambaye nafasi yake ilichukuliwa na Winifrida Gerald, na Dakika ya 66 ya mchezo huo mshambuliaji huyo akitokea benchi akaipatia goli la kusawazisha JKT Queens akipokea pasi safi kutoka kwa Eto Mlenzi.
JKT Queens waliendelea kufanya mashambulizi ya hatari zaidi langoni mwa Athletico na hatimae dakika ya 85 ya mchezo huo Alia Fikiri Salum alipokea pasi safi kutoka kwa Happyness Hezron Mwaipaji na kuiunganisha kwa kichwa mpira uliomshinda mlinda lango wa Athletico Abidjan Cynthia Djohore na kujaa wavuni na kuwa goli la pili la JKT Queens.
Nyota wa mchezo hii leo ni Jonesia Minja nahodha wa kikosi cha JKT Queens baada ya shughuli nzito aliyoifanya kwenye eneo la ulinzi la klabu yake.
Matokeo haya ya leo yanaifanya JKT Queens ipande hadi nafasi ya pili ya msimamo ikiwa nyumba ya Mamelodi Sundowns Ladies.
MATOKEO YA JKT QUEENS YALIYOPITA.
Mamelodi Sundowns Ladies 2-0 JKT Queens
Athletico Abdjan 1-2 JKT Queens
Athletico Abidjan 1-1 Sporting Club Casablanca.
Mamelodi Sundowns Ladies 1-0 Sporting Club Casablanca
Michezo ya mwisho ya Kundi A itapigwa November 11, hii itakuwa ya kuamua hatma ya JKT Tanzania kama itasonga mbele hatua ya nusu fainali ama itaishia hapo.
23:00 Sporting Club Casablanca vs JKT Queens
23:00 Mamelodi Sundowns Ladies vs Athletico Abidjan
KUNDI A
Team MP P
Mamelodi Sundowns Ladies 2 6
JKT Queens 2 3
Sporting Club Casablanca 2 1
Athletico Abidjan 2 1
