HAIKUWA RAHISI KUZIKATAA OFA ZA SAUDIA – OSIMHEN

Nyota wa Kimataifa wa Nigeria na klabu ya soka ya Napoli ya Italia, Victor Patrick Osimhen, amesema kuwa haikuwa rahisi kukataa ofa kubwa kutoka kwa klabu za Saudia na kuamua kubaki Napoli.

Osimhen ambaye mabao yake 65 kwenye michezo 111 yaliwatoa udenda vigogo wengi wa soka duniani kutaka huduma yake alisema hakikuwa kipindi chepesi kwake kufanya maamuzi hayo.

Kila kilichosemwa kilikuwa na ukweli ndani yake, ile wiki ya mwezi Agosti ilikuwa kubwa na ngumu sana. Jamaa walikuja na ofa kubwa kweli na kadri nilivyokuwa nazikataa ndivyo na wao walikuwa wakiongeza kiwango cha usahwishi, lakini yote nilimuachia Mungu aniamulie.

Victor aliongeza kwa kusema kuwa ilifika wakati wa mimi kuamua kama nataka kuendelea kubaki Ulaya au kwenda Saudia. Kubadili hali ya maisha yangu au maisha yangu ya soka.

Mara kadhaa nilizungumza nao kuwaambia msimamo wangu kuwa nabaki Napoli nataka kucheza hapa ambapo nimeshinda vitu vingi. Bila shaka ofa yao ilikuwa kubwa na ingebadili kabisa maisha yangu lakini niliangalia pia maisha yangu ya soka. Bado nataka kucheza Ulaya. Bado nina umri mdogo pia. Hawakukata tamaa na mimi bado mpaka dirisha lao lilipofungwa.

Osimhen aliyasema hayo wakati akifanya mahojiano na  Mchezaji wa zamani wa Kimataifa wa Nigeria na klabu ya soka ya Chelsea ya jijini London, Uingereza, John Mikel Obi, alipokuwa akimmshawishi pia suala la kujiunga Chelsea.