SIMBA KUTANGAZA KOCHA MPYA WIKI HII.

Klabu ya Simba kupitia kwa meneja wa habari na mawasiliano wa klabu hiyo Ahmed Ally amesema klabu hiyo iko mbioni kukamilisha zoezi la kumpata kocha mpya atakayekuja kuchukua mikoba ya Mbrazil Roberto Oliviera, aliyefurushwa mapema wiki iliyopita baada ya kupokea kichapo cha goli 5-1 kutoka klabu ya Yanga kwenye mchezo wa Ligi kuu Tanzania Bara.

Ahmed amesema wiki hii itatumika kukamilisha mchakato wa kumpata kocha na watamtangaza mapema wiki hii baada ya kukamilisha mchakato ili ajiunge mapema na kikosi hicho ambacho leo kitaingia kambini kujiandaa na mchezo wa kwanza wa hatua ya makundi ya Ligi ya mabingwa Barani Afrika dhidi ya ASEC Mimosas.

Leo Simba wanarejea kambini kuanza mazoezi kuelekea mechi dhidi ya Asec Mimosas itakayopigwa tarehe 25 mwezi huu.

Tumeingia kwenye wiki ya kumalizia zoezi la kutafuta kocha mpya, ndani ya wiki hii tutamtangaza kocha mpya, tuko kwenye hatua ya mwisho.

Kocha atapatikana kwa haraka zaidi ili aanze majukumu yake haraka zaidi na apate muda wa kutosha wa kukaa na timu.

Ahmed Ally akizungumza kuhusu timu kuingia kambini na kumtangaza kocha mpya.