Timu ya FC Bayern imemsajili mshambuliaji kutoka Australia, Nestory Irankunda. Mchezaji huyo mwenye umri wa miaka 17 atajiunga tarehe 1 Julai 2024 kwa kandarasi ya muda mrefu kwa mabingwa hao wa wa kihistoria wa Ligi Kuu ya nchini Ujerumani. Irankunda atatimiza miaka 18 tarehe 9 Februari 2024.
Tumekuwa tukimfuatilia Nestory kwa muda na tumefurahi kwamba tumefikia makubaliano naye na Adelaide United kuhusu kuhamia Munich kwa msimu ujao wa joto. Tungependa kuwashukuru wasimamizi wa United kwa mazungumzo mazuri. Nestory ni winga mwepesi sana, mpiga chenga hodari na mkamilishaji mwenye kasi nzuri kuelekea golini. Tumeshawishika na uwezo wake na kwamba ataendelea na hatua za ukuaji wake akiwa pamoja nasi.
Jochen Sauer, mkurugenzi wa maendeleo ya vijana.
Rankunda ni mchezaji wa kimataifa akiwa na umri wa chini ya miaka 17 (U17) kwa sasa wa Australia lakini tayari ameitwa kwa timu ya wakubwa. Winga huyo mzaliwa wa Tanzania ameichezea Adelaide United mechi 39 katika kikosi cha kwanza hadi sasa, akifunga mabao tisa na kutoa pasi mbili za mabao, huku pia akitazamiwa kuongeza idadi hiyo hadi mwisho wa msimu huu.
Uzoefu katika miezi ijayo katika Ligi-A hakika utakuwa na matokeo chanya katika maendeleo yake yanayoendelea.
aliongeza Sauer.
