GOLIKIPA SUPERSPORT AFARIKI DUNIA.

Golikipa wa klabu ya Supersport inayoshiriki Ligi kuu nchini Afrika Kusini na timu ya Taifa ya Zimbabwe George Chigova amefariki Dunia kwa matatizo ya Moyo.

Golikipa huyo wa zamani wa Dynamos amefariki akiwa na umri wa miaka 32, George alilazwa tangu July na alikosa baadhi ya michezo ya mwanzo ya ufunguzi wa Ligi.

Taarifa ya mwisho ya daktari wa klabu hiyo ya Supersport iliyotolewa na kocha wa kikosi hicho Gavin Hunt ilieleza kuwa nyota huyo yupo kwenye hali mbaya zaidi na baadae leo taarifa imetoka kuwa nyota huyo amefariki Dunia.

Chigova alianza maisha yake ya soka kwa kuitumikia klabu ya Gunners na baadae akahamia kwenye klabu ya Dynamos baadae akajiunga na klabu ya Supersport mwaka 2014 baadae akahamia Polokwane City kabla hajarejea tena Supersport mwaka 2020.

Familia ya Dauda sports inatoa pole kwa familia, ndugu jamaa na marafiki walioguswa na msiba huo mzito.