Klabu ya Mamelodi Sundowns imetangaza kuwa mkanda wa video unaoitwa BANYANA BA STYLE ukimaanisha [Wanawake na staili] unaoonyesha maisha na mafanikio ya kikosi cha Wanawake cha klabu hiyo utaanza kuonyeshwa rasmi November 22 kwenye mtandao maarufu wa filamu Duniani wa Netflix.
Mkanda huo unaonyesha jinsi timu ya wanawake ya Mamelodi Sundowns ilivyokuwa timu ya kwanza ya wanawake kubeba kombe la Ligi ya mabingwa Barani Afrika mwaka 2021, katika kipindi ambacho timu hiyo ikipambana na usawa wa kijinsia kwenye michezo.
Filamu hii inaonyesha namna kikosi hicho kilivyopambana kikiwa na wachezaji nyota waliokuwa wakiongozwa na kocha wao wa muda wote Jerry Tshabalala na Mwenyekiti wa klabu hiyo Tlhopie Motsepe mtoto wa Rais wa shirikisho la soka wa sasa Barani Afrika, Patrice Motsepe na wengine.
Filamu hiyo ulikuwa ni mradi wa Motsepe ambaye alizungumzia sababu ya kutengenezwa filamu hiyo ikiongelea maisha na mafanikio ya Mamelodi Sundowns Ladies.
Tuliamua kuianza hii safari kwa sababu kuu mbili; ya kwanza ni kuuinua mpira wa wanawake na kukivutia kizazi kijacho cha wachezaji wa kike Afrika. Sababu ya pili ilikuwa ni kutumia nguvu ya masimulizi kugusa changamoto ambazo wachezaji wa kike wanakutana nazo na kuwavutia wadhamini kuja kwenye soko na kulipa nguvu soka la wanawake.
Tunajivunia kuwashirikisha stori yetu mashabiki wa filamu na mashabiki wa mpira wa miguu Duniani kote. Pongezi ziende kwa wachezaji wetu wa kike kwa upambanaji wao na namna wanavyoonekana lakini pia Fell and Co kwa kuzalisha hii filamu, lakini pia Netflix na Roc Nation Sports Internation kwa kuishirikisha Dunia mpira wa kipekee wa Afrika.
Alizungumza mwenyekiti wa klabu ya Mamelodi Sundowns Tlhopie Motsepe.
Watazamaji watapata fursa ya kutazama filamu hii Ulimwenguni kote kwenye mitandao kuanzia Novemba 22. Filamu inayotambulika kwa jina la BANYANA NA STYLE itaonyeshwa baada ya uzinduzi wa filamu fupi ya mpira wa miguu inayotarajiwa kuzinduliwa Novemba 17 inayojulikana kama QUEENSTOWN KINGS inayoionyesha timu ya wanaume ya Mamelodi Sundowns.
Makamu wa Rais wa TV na filamu kwenye kampuni ya Roc Nation, Lori York, amesema ushirika wa kufanya kazi na Mamelodi Sundowns umepelekea wafikirie kutanua wigo wa filamu hiyo kuonyeshwa kwenye mtandao wa Netflix, alisema ni wakati mhimu sasa kwa filamu hii kuonekana sehemu kubwa Duniani.
Tunajivunia kuwa tumechangia kupata leseni ya filamu hii kutazamwa na watumiaji wote wa mtandao wa Netflix, watazamaji watapata nafasi ya kutazama stori ya kipekee kutoka kwa timu ya wanawake ya Mamelodi Sundowns. Wachezaji wameeleza stori zao mhimu ili kuwavutia wachezaji wengi wa kike Duniani kote.
Tukizungumzia kabla ya filamu hii kuonyeshwa, Mwongozaji wa filamu hii Caroline Brouckaert, ambaye hii ni filamu yake ya kwanza alikuwa anatuambia siku zote anataka kusimulia hadithi ambayo italeta mafanikio chanya na itufanye tujihisi tuko kwenye muunganyiko na kila mmoja wetu.
Nafikiri hii filamu imefanikiwa kwenye vitu vyote. Kutengeneza hii filamu na kujua nguvu ya wanawake wa kikosi cha Mamelodi Sundowns Ladies imekuwa mafanikio makubwa na heshima kubwa.
Alisema mwongozaji Makamu Mwenyekiti wa kampuni iliyozalishaji wa Filamu hiyo.
Mamelodi Sundowns Ladies jana imefuzu hatua ya Fainali ya Ligi ya mabingwa Barani Afrika baada ya ushindi wa goli 1-0 dhidi ya mabingwa watetezi wa michuano hiyo AS FAR Rabat ya Morocco. Mamelodi sasa itakutana na Club Sporting Casablanca ya Morocco katika hatua ya fainali ya michuano hii.
