Jaylen Brown alikuwa kinara wa vikapu kwa Celtics akifunga vikapu 23 kati ya 108 walivyovipata dhidi ya 105 vya Toronto Raptors kwenye mchezo In-Season na kufikisha ushindi wa 10 msimu huu katika michezo 12 huku wakifungwa 2 tu.
Vikapu vingine vilichangiwa na Jrue Holiday(14) na Jayson Tatum(17) kwenye kuizamisha Toronto Raptors ya Paschal Siakam na wenzake, Boston Celtics wakiendeleza msimu wao bora mpaka hivi sasa.
Matokeo mengine:
LA Clippers waliwachapa vikapu 106-100 Houston Rockets huku Uttah Jazz wakifungwa na Phoenix Suns vikapu 131-128, Kevin Durant akiwaongoza vema Suns kwenye ushindi huo. Portland Trail Blazers walikiona cha moto kutoka kwa Lakers, LeBron James, Antony Davis na DeAngelo Russel wakinogesha ushindi wao 107-95.
Kwingineko, Chicago Bulls walifungwa nyumbani kwao vikapu 97-103 na Orlando Magic. Cleveland Cavaliers wakiinyuka 108-100 wakati Atlanta Hawks wakipewa kisago na Philadelphia 76ers vikapu 126-116. Giannis aliendeleza alipoishia akiisaidia timu yake ya Milwaukee Bucks kuifunga Charlotte Hornets vikapu 130-99.
Washington Wizards walifungwa nyumbani na New York Knicks kwa vikapu 120-99. Licha ya Victor Wembanyama kucheza vizuri kuisaidia timu yake ya San Antonio Spurs, lakini haikutosha kuepusha kichapo kutoka kwa Sacramento Kings cah 120-129 huku DeAaron Fox akifunga vikapu 43 pengine miongoni mwa alama nyingi zaidi za mchezo mmoja msimu huu.
