TAIFA STARS NJIANI KUREJEA TANZANIA.

MECHI IJAYO

22:00 TANZANIA vs MOROCCO

UWANJA: Benjamin Mkapa

Kikosi cha timu ya Taifa ya Tanzania “Taifa Stars” mara baada ya kuibuka na ushindi wa goli 1-0 hapo jana katika mchezo wa kwanza wa kutafuta tiketi ya kufuzu fainali za kombe la Dunia 2026 dhidi ya timu ya Taifa ya Niger kimeanza safari ya kurejea nchini Tanzania kikitokea nchini Morocco.

Taifa Stars inatarajiwa kukutana na upinzani mzito mbele ya timu ya Taifa ya Morocco siku ya Jumanne November 21. Morocco imewasili nchini siku ya Ijumaa usiku kwaajili ya mchezo huu wakati ambao Stars ipo nchini Morocco ikikabiliana na kibarua kizito mbele ya Niger.

Stars itakutana na Morocco ikiwa nafasi ya pili ya msimamo wa kundi E nyuma ya timu ya Taifa ya Zambia kwa tofauti ya idadi ya magoli huku alama zikiwa sawa, kila timu ikikusanya alama tatu (3).

Morocco haijacheza mchezo wowote hadi hivi sasa kwenye kundi hili baada ya timu ya Taifa ya Eritrea kujitoa katika mashindano haya kwa hofu ya wacjezaji wake kutoroka kwenye kambi ambayo ilitarajiwa kuwekwa nchini Morocco, ikumbukwe timu ya Morocco ilifika nudu fainali ya kombe la Dunia la 2022 lililofanyika nchini Qatar.

Mchezo wa Taifa Stars na Morocco utachezwa siku ya Jumanne November 21 katika uwanja wa Benjamin Mkapa, Jijini Dar Es Salaam majira ya saa nne (22:00) usiku.