Raphael Varane anahusishwa na kuhamia Bayern Munich Januari na anaweza kumfuata Harry Kane katika Ligi Kuu nchini Ujerumani (Bundesliga).
Beki wa Manchester United Varane anaripotiwa kuwa mada ya ‘mazungumzo ya ndani’ huko Bayern Munich wakati dirisha la usajili la Januari linakaribia. Mwandishi wa michezo kupitia Sky Sports Mjerumani Florian Plettenberg anapendekeza kwamba mabingwa hao wa Bundesliga waachane na Varane kwa sababu ya mshahara wa pauni milioni 14.9 ($18.6m), lakini bado anamchukulia Mfaransa huyo kama chaguo ‘la kuvutia’ na ataendelea kufuatilia hali yake. Usajili wa mkopo haufikiriwi huku ada ya uhamisho inayopendekezwa ni £26.3m ($32.9m)
Varane alijiunga na United ya Ole Gunnar Solskjaer kwa shangwe nyingi msimu wa joto wa 2021, alicheza kwenye uwanja wa Old Trafford kabla ya mchezo wa ufunguzi wa Ligi Kuu ya msimu huu dhidi ya Leeds. Lakini mshindi huyo mara nne wa Ligi ya Mabingwa akiwa na Real Madrid mara nyingi amekuwa akikabiliwa na majeraha tangu ahamie Uingereza na katika miezi ya hivi karibuni amekosa kuaminiwa na meneja wa sasa Erik ten Hag.
Varane ameanza mchezo mmoja tu wa Ligi Kuu ya Uingereza kwenye kipigo cha nyumbani kutoka kwa Crystal Palace, huku tangu alipotoka kwenye majeraha wakati wa mapumziko dhidi ya Nottingham Forest mnamo Agosti. Ten Hag anapendelea kuwatumia Harry Maguire na Jonny Evans katika pacha ya beki wa kati hadi sasa.
Kingsley Coman na Dayot Upamecano ndio wachezaji wa Kifaransa waliopo kwenye kikosi cha Bayern, huku Lucas Hernandez na Benjamin Pavard wakiondoka Allianz Arena majira ya joto. Huku pia kukiwa na mchango mkubwa wa magwiji wa Kifaransa katika timu hiyo ambao ni Franck Ribery, Bixente Lizarazu na Willy Sagnol.
Changamoto kubwa kwa Varane ni kurudisha nafasi yake katika kikosi cha Manchester United kwa muda mfupi uliosalia. Kuna wiki sita kabla ya dirisha la usajili la Januari kufunguliwa, lakini Mashetani Wekundu wakimruhusu kuondoka wakati huu kutahatarisha eneo la ulinzi katika kikosi hicho kutokana na majeruhi na muendelezo usioridhisha wa Harry Maguire na John Evans.
