MAN U KUACHANA NA NYOTA 15 MSIMU UJAO.

Klabu ya Manchester United ina mpango wa kuachana na nyota wake 15 kutokana na kiwango chao kutokuridhisha. Wachezaji nane (8) kati ya hao 15 wanaelekea kumaliza mkataba wao mwishoni mwa msimu huu na pengine wanaweza wasiongezewe mkataba.

Nyota wanaomaliza mkataba wao ni Victor Lindelof, Anthony Martial, Aaron Wan-Bissaka, Hannibal Mejbri, Jonny Evans na Tom Heaton wote hawa wataondoka kama hawataongeza mkataba wao baada ya kumalizika huku Sofyan Amrabat na Sergio Reguilon huenda wakarudi walikotoka baada ya mkataba wao wa mkopo kumalizika.

Nyota wengine nane wanatarajiwa kuingizwa sokoni ili kuipatia pesa klabu hiyo kwaajili ya kufanya usajili wa wachezaji watakaokuja kuinufaisha zaidi klabu hiyo.

Jina la kwanza kutajwa kuondoka ni Jadon Sancho ambaye hana maelewano mazuri na kocha mkuu wa kikosi cha Manchester United, Erik Ten Hag.

Wachezaji wa zamani wa Real Madrid Raphael Varane na Casemiro wanahusishwa kuondoka kwenye kikosi hicho pia kutokana na kiwango chao kuwa cha kupanda na kushuka.

Licha ya kuwa kwenye kiwango bora kwasasa mlinzi wa timu ya Taifa ya England Harry Maguire pia anatarajiwa kuondoka klabuni hapo pamoja na Scott McTominay.

Antony, nyota ambaye hajafanya vizuri tangu ajiunge na kikosi cha Manchester United akitokea Ajax ya Uholanzi huenda pia akaondoshwa klabuni hapo ili kupisha maingizo mapya ya wachezaji ndani ya kikosi cha Manchester United.