DANIEL MSENDAMI MCHEZAJI WA KUCHUNGWA JWANENG.

Kiungo mshambuliaji wa klabu ya Jwaneng Galaxy Daniel Msendami ndiye nyota wa kuchungwa zaidi hii leo katika mchezo dhidi ya Simba.

Msendami (23) raia wa Zimbabwe anatajwa kuwa mrithi wa Khama Billiat kutokana na uwezo mkubwa anaouonyesha ndani ya kikosi cha Jwaneng Galaxy.

Msendami hadi hivi sasa ameitumikia timu yake ya Jwaneng katika michezo sita [6] ya Ligi kuu nchini Botswana na amefunga magoli matano [5].

Hadi hivi sasa klabu kadhaa kutoka nchini Afrika Kusini zinaisaka saini yake zikiongozwa na Supersport United na Maritzburg.

Simba inapaswa kumchunga zaidi nyota huyu anayevalia jezi namba 22 ambaye mara nyingi anatokea upande wa kushoto wa simba anapocheza Zimbwe Jr.

Jwaneng Galaxy itashuka dimbani hii leo kuikabili klabu ya Simba katika mchezo wa Ligi ya mabingwa Afrika hatua ya makundi ikiwa kinara wa kundi B na alama zake tatu [3] ilizozipata baada ya ushindi wa goli 1-0 dhidi ya Wydad AC ugenini.

Simba itaingia katika mchezo huu ikiwa na alama moja pekee iliyoipata baada ya kutoka sare ya kufungana goli 1-1 dhidi ya klabu ya Asec Mimosas kutoka Ivory Coast katika uwanja wa Benjamin Mkapa, Dar Es Salaam, Tanzania.

04:00 JWANENG vs SIMBA