SIMBA YAWASILI NCHINI KUTOKA BOTSWANA.

Klabu ya Simba imewasili nchini saa 11 asubuhi ikitokea nchini Botswana ilipokuwa ikicheza mchezo wake wa pili wa hatua ya makundi dhidi ya Jwaneng Galaxy ya nchini Botswana.

Mchezo dhidi ya Jwaneng jana ulitamatika kwa suluhu [0-0] matokeo ambayo yanaifanya Simba kufikisha alama mbili [2] na kuwa nafasi ya pili ya msimamo wa kundi.

Mchezo dhidi ya Jwaneng Galaxy ndio ulikuwa mchezo wa kwanza kwa kocha mpya wa kikosi hicho Abdelhak Benchkha.

Ilikuwa mechi nzuri, kiukweli tumekosa alama tatu licha ya kucheza vizuri.

Mita 30 kabla ya lango la Jwaneng Galaxy hatukucheza kwa kasi na kushambulia.

Abdelhak Benchikha, kocha mkuu wa Simba baada ya mchezo dhidi ya Jwaneng Galaxy, jana.

Simba ilitoa sare na Asec Mimosas [1-1] katika dimba la Benjamin Mkapa, Jijini Dar Es Salaam na kutoa sare jana dhidi ya Jwaneng Galaxy, Botswana na mchezo unaofutautachezwa December 9 dhidi ya Wydad AC katika uwanja wa Mohamed V, Casablanca, Morocco.

Hadi hivi sasa Wydad AC haijapata alama yoyote katika mashindano haya ikiwa imecheza michezo miwili na kupoteza michezo yote.

Vinara wa kundi hili ni Jwaneng Galaxy iliyokusanya alama nne [4] na Asec Mimosas waliokusanya alama nne [4] pia, Simba nafasi ya tatu na alama mbili [2] na Wydad AC nafasi ya mwisho ikiwa haina alama yoyote.