SOWAH MCHEZAJI WA KUCHUNGWA MEDEAMA FC.

Mashabiki wa soka nchini Ghana kila mmoja anamzungumzia mazuri mshambuliaji kinara wa klabu ya Medeama Jonathan Sowah.

Sowah alisajiliwa na Medeama katikati ya msimu na kuichezea michezo 20 huku akifunga magoli 12 yaliyoiwezesha timu hiyo kutwaa ubingwa wa Ligi nchini Ghana.

Msimu huu ameichezea Medeama katika michezo kumi [10] na amefunga magoli sita [6] katika mashindano yote.

Ni miongoni mwa wachezaji wanaoitumikia timu ya Taifa ya Ghana na alicheza dhidi ya Liberia kwa takribani dakika 10.

Klabu kadhaa kubwa Barani Afrika zimeanza kuisaka saini yake na pengine mashabiki wa soka nchini Ghana wanaamini msimu ujao nyota huyo hatakuwa sehemu ya kikosi cha Medeama.

Hakuwa sehemu ya kikosi cha mwisho kilichoshinda dhidi ya CR Belouizdad.

Huyu ndiye mshambuliaji kinara wa Medeama na mchezaji wa kuchungwa zaidi hii leo.