HAPATOSHI LEO HAPO AZAM COMPLEX NGAO YA JAMII

Kwa mara ya kwanza kwenye Historia ya soka la wanawake tunaenda kushuhudia Mechi za Ngao ya Jamii kuashiria ufunguzi wa ligi ya wanawake msimu huu zikichezwa katika mfumo wa nusu fainali.

Timu 4 zilizomaliza nafasi 4 za juu kwenye msimamo wa ligi kuu ya wanawake msimu uliopita, JKT Queens, Simba Queens, Yanga Princess na Fountain Gate Princess zitachuana kutafuta mshindi wa ngao ya jamii leo kwenye uwanja wa Azam Complex, Chamazi.

Mchezo wa kwanza unatarajiwa kuanza majira ya saa 9 Alasiri ukiwakutanisha Mabingwa JKT QUEENS na FOUNTAIN GATE PRINCESS na mchezo wa pili utawakutanisha Watani SIMBA QUEENS na YANGA PRINCESS Utakaopigwa majira ya Saa 12 Jioni kwenye dimba hilo hilo la Azam Complex.

Mchezo wa Fainali unatarajiwa kupigwa siku ya Jumanne Tarehe 12, Desemba 2023.