TEN HAG AWAONYA BAYERN MUNICH, KIPIGO HAKIEPUKIKI.

Kuelekea mchezo wa kesho wa Ligi ya mabingwa Barani Ulaya kati ya Manchester United dhidi ya Bayern Munich, kocha mkuu wa kikosi cha United Erik Ten Hag amesema ana uhakika kuwa kesho timu yake inashinda.

Pia Ten Hag ameongeza kuwa Old Trafford sio mahali salama kwa kila timu inapotembelea uwanja huo.

Tuna uwezo wa kumfunga mpinzani yeyote. Kesho lazima tushinde, nina uhakika tunaweza kufanya hivyo, na tuna nguvu hiyo.

Old Trafford sio mahali salama kwa mpinzani yeyote anapotembelea, kwa kuwa nipo hapa, tuko pamoja.

Mchezo dhidi ya Chelsea na Everton na hata ule dhidi ya Galatasaray umeonyesha kuwa hii timu inaweza kucheza kwa kiwango kikubwa , tupo vizuri.

Erik Ten Hag akizungumza kuelekea mchezo wa kesho wa Ligi ya Mabingwa Barani Ulaya dhidi ya Bayern Munich.

Manchester United inahitaji ushindi katika mchezo huo hapo kesho ili iweze kupata ahueni ya kufuzu hatua ya robo fainali huku wakiiombea Copenhagen kutoka sare na Galatasaray katika mchezo wao.

Ikumbukwe Manchester united wametoka kupoteza dhidi ya Bournemouth goli 3-0 kwenye mchezo wa Ligi kuu nchini England.