Tiketi za mechi ya kirafiki ya Inter Miami mjini Hong Kong zimeuzwa na kuisha ndani ya dakika 60 sawa na saa moja, licha ya viti vya bei nafuu kugharimu kiasi cha $113 sawa na shilingi 283,065.00 za Kitanzania.
Timu ya MLS imetangaza kuwa, kama sehemu ya ziara ya kihistoria ya kimataifa mnamo 2024, watafanya ziara katika Mashariki ya Mbali. Herons – ambao walilazimika kughairi safari ya baada ya msimu kwenda China mwishoni mwa kampeni yao ya 2023 – wanatarajiwa kumenyana na Hong Kong Select XI mnamo Februari 4.
Kiingilio cha mchezo huo sio nafuu, lakini hilo halikuwafanya mashabiki kuacha kununua tiketi mara tu zilipoanza kuuzwa. Tiketi za ratiba husika zilipatikana kwa kati ya $113 na $625, sawa na shilingi 283,065.00 hadi 1,565,625.00 za Kitanzania kama ilivyoripotiwa huko China Kusini, na zote zilikuwa zimekwisha ndani ya saa moja.
Inter Miami itashuka uwanjani kwenye uwanja wa taifa wa Hong Kong, unaobeba watazamaji 40,000. ambao utajazwa na mashabiki hao kutoka nchini China, huku kukiwa na kelele za kutaka kumwona Lionel Messi ambaye ni mshindi mara nane wa tuzo ya Ballon d’Or akicheza.
Messi pia anatazamiwa kumenyana na El Salvador wakati wa programu ya Inter Miami ya kujiandaa na msimu mpya, huku ushindani wake na Cristiano Ronaldo utachochewa tena watakapocheza na Al-Nassr katika mchuano wa kirafiki wa Kombe la Riyadh ambao pia unashirikisha viongozi wa Ligi Kuu nchini Saudi Arabia (Saudi Pro League).
