TAJIRI UNITED KUANZA NA USAJILI WA MICHAEL OLISE.

Mmiliki wa asilimia 25 za klabu ya Manchester United Sir. Jim Ratcliffe ameweka wazi kwamba pindi atakaporuhusiwa kufanya usajili wa wachezaji kwenye kikosi cha Manchester United, jicho lake la kwanza litaangukia kwa Michael Olise [22] nyota wa klabu ya Crystal Palace.

Olise ambaye pia aliwahi kuhitajika na klabu ya Chelsea msimu huu amecheza michezo tisa [9] akiwa na kikosi cha Crystal Palace, akitengeneza nafasi 20, amepiga pasi 312, amefunga magoli matano [5], pasi ya usaidizi wa goli moja [1], akifanya madhambi mara saba [7].

Mapema mwezi Agosti mwaka jana [2023] mshambuliaji huyo alisaini kandarasi la miaka minne la kuendelea kuitumikia Crystal Palace lakini mkataba huo una kipengele kinachomruhusu kuondoka klabuni hapo mwishoni mwa msimu huu.

Kiwango ambacho Manchester United wamekiandaa kwaajili ya usajili wa Olise kwenye dirisha kubwa la usajili la mwezi June bado hakijawekwa wazi lakini ni kikubwa zaidi ya kile walichowasilisha mwanzo cha Euro Million 35.