SAHA AISHAURI MAN U KUMSAJILI BENZEMA.

Nyota wa zamani wa klabu ya Manchester United Louis Saha ameitaka klabu hiyo kumsajili mshambuliaji wa klabu ya Al-Ittihad na timu ya Taifa ya Ufaransa Karim Benzema akiamini kuwa nyota huyo ataisaidia klabu hiyo.

“Benzema ataleta ushindani kwenye eneo la ushambuliaji na ndicho wanachohitaji.

“Atafunga sana magoli na atasaidia kwenye kuiunganisha timu kwenye uchezaji.

“Ni ndoto lakini Benzema bado ni mchezaji mzuri, ni aina ya washambuliaji ambao Hojlund atajifunza kutoka kwake, lakini hilo ni wazo”.

Saha pia amemzungumzia mshambuliaji wa klabu ya Manchester United Rasmus Hojlund na kusema kuwa kwasasa sio haki kumpa majukumu ya ushambuliaji Hojlund.

” Sio haki kumpa majukumu ya namba tisa peke yake bila mshambuliaji mwenye uzoefu anayemzunguka”.

“Unaweza kuwa na mawinga wenye kipaji kikubwa au viungo wenye uwezo mkubwa lakini kuwa mshambuliaji ni akili nyingine”.

Hadi hivi sasa Rasmus Hojlund ameifungia goli moja pekee klabu yake ya Manchester United kwenye michezo ya Ligi kuu tangu asajiliwe licha ya kuwa na kiwango bora katika michuano ya Ulaya [UEFA CHAMPIONS LEAGUE].

Manchester United kwasasa bado wanahangaika kwenye michezo ya Ligi kuu huku kwenye mashindano ya UEFA wakiwa wameondoshwa tayari.