MSUVA: NINA FURAHA KURUDI TENA SAUDI ARABIA.

Nyota wa timu ya Taifa ya Tanzania, Simon Msuva amejiunga na klabu ya Al Najma inayoshiriki Ligi daraja la kwanza nchini Saudi Arabia.

Al Najma imemsajili Msuva kama mchezaji huru baada ya nyota huyo kumalizana na JS Kabyle wiki kadhaa zilizopita.

“Ninafuraha kusaini Al Najma, nina furaha kurejea tena Saudi Arabia, tuonane hivi karibuni”. Maneno ya Simon Msuva baada ya kutambulishwa.

Watanzania kila mmoja kwa namna yake wamempongeza nyota huyo kwa kusajiliwa na klabu hiyo.

“Hongera nyingi ziende kwake kwa kupata sehemu nyingine ya kupambana, kila lakheri mwamba”, Alisema shabiki mmoja.

“Hakika anastahili kupata timu, anajituma sana mwamba”, Aliongea shabiki mwingine.

Kwasasa nyota huyo yupo kwenye majukumu na timu ya Taifa ya Tanzania kwenye fainali za mataifa ya Afrika zinazoendelea nchini Ivory Coast.