Kundi la wanasarakasi wawili kutoka Tanzania linalojulikana kwa jina la Ramadhan Brothers linalomjumuisha Fadhili Ramadhan na Ibrahim Jobu limeibuka na ushindi Jumatatu usiku kwenye mashindano ya American Got Talent yaliyokuwa yanaendelea nchini Marekani.
Ramadhan Brathers wamewashinda wapinzani wao wa karibu Pack Drumline, V. Unbeatable, Sainted na Musa Motha, wawili hao wamesema baada ya ushindi huu maisha yao yamebadilika sana;
Tunaamini maisha yetu yatabadilika kuanzia wakati huu, ushindi huu una maana kubwa sana kwetu, tuna furaha sana isiyo na kifani.
Walinukuliwa Ramadhan Brothers.
Nyota hao wawili waliwahi kushiriki mara kwa mara kwenye mashindano haya lakini hawakuweza kufanya vizuri na mara nyingine walishindwa kusafiri kwasababu ya Visa, Ramadhan Brothers wamewahi kushiriki Australian Got Talent, Got Talent Espana na Romanii au Talent ambayo ilianzisha jukwaa lao la kwanza la AGT msimu wa 18.
Nyota hao wawili wamepokea kitita cha Million 635 kama zawadi ya mshindi wa shindani hilo maarufu zaidi Duniani.
Rais wa Jamhuri ya muungano wa Tanzania Dkt. Samia Suluhu Hassan kupitia ukurasa wake rasmi wa Instagram amewapongeza wawili hao kwa kuiwakilisha vyema nchi kwenye mashindano hayo.
Pongezi kwa vijana wetu Fadhili na Ibrahim (The Ramadhani Brothers) kwa kuibuka washindi katika mashindano ya sanaa na burudani ya AGT: Fantasy League. Safari yenu inaendelea kudhihirisha kuwa juhudi, nidhamu, kujituma na kujiamini ni nguzo muhimu kufikia mafanikio. Mnaitangaza vyema nchi yetu na kuweka mfano bora kwa wengine.
Taarifa ya Rais ilisomeka.
