Dunia nzima kwasasa inahaha sana kupata washambuliaji wa kati, kwasababu uzalishaji wa watu hao umepungua kwa kiasi kikubwa.
Pale Liverpool kuna mshambuliaji anaitwa Darwin Nunez nimmiongoni mwa washambuliaji wanaofunga sana lakini wanakosa nafasi nyingi sana za wazi.
Unadhani kwanini anakosa nafasi nyingi za wazi ? Ni kwasababu anajua kukaa kwenye njia ya mpira, hili sio kila mchezaji/ mshambuliaji anaweza kulifanya, unaweza kushangaa Nunez amekosa nafasi sita za wazi lakini akiingia mshambuliaji mwingine asipate kabisa nafasi za wazi, lakini huyu ni lulu kwao Uruguay kwasasa.
Hapa kwetu tunae Clement Mzize, ni miongoni mwa washambuliaji hodari wanaokaa sana kwenye nafasi lakini changamoto ni matumizi sahihi ya nafasi, huyu ni kijana mdogo sana ambaye anapaswa alindwe kwa manufaa ya timu yetu ya Taifa na klabu ya Yanga.
Kwanini Mzize anaonekana kukosa nafasi nyingi sana akiwa uwanjani kuliko washambuliaji wengine ? Kwasababu anajua kukaa kwenye eneo sahihi analotakiwa kukaa mshambuliaji tofauti na wengine.
Clement Mzize ndiye mshambuliaji aliyekamilika zaidi nchini kwasasa, uwezo wa kukimbia, uwezo wa kuwalazimisha mabeki wafanye makosa na uwezo wa kuisaidia timu kukaba.
Nasredine Nabi wakati anampandisha timu ya vijana aliona kitu cha tofauti kwa Clement Mzize, kilichomfanya aendelee kumuamini na hatimae imani imewaponya wananchi, kwasasa nchini huyu ndiye top striker.
Tanzania kwasasa tuna Mzize huyu ni top Striker, hatupaswi kumbeza au kumkatisha tamaa bali tunapaswa kumbeba ili atusaidie AFCON ya 2027, nchi haina washambuliaji hii.
