ANCELOTTI AWAJIBU WALIOMKOSOA KUMTOA CAMAVINGA.

Klabu ya Real Madrid imefuzu kwenda hatua ya robo fainali ya Ligi ya mabingwa Barani Ulaya msimu huu kwa kuiondosha klabu ya RB Leipzing kwa jumla ya magoli 2-1.

Mchezo wa kwanza Real Madrid iliibuka na ushindi wa goli 1-0 ugenini na jana wakiwa kwenye uwanja wao wa nyumbani Santiago Bernabeu walitoa sare ya kufungana goli [1-1].

Katika mchezo wa jana mashabiki wengi wa klabu ya Real Madrid walikuwa wakilalamika namna ambavyo klabu yao imecheza chini ya kiwango na wengi waliongeza kulalamika zaidi baada ya kocha mkuu Carlo Ancelotti kumfanyia mabadiliko kiungo Eduardo Camavinga.

Ancelotti ameeleza kuwa mabadiliko ya Camavinga yalikuwa ya kiufundi zaidi na sio kwamba alikuwa anacheza vibaya na kama angekuwa anafanya mabadiliko ya wale ambao hawachezi vizuri basi hata yeye angejifanyia mabadiliko.

Mabadiliko ya Camavinga yalikuwa ya kiufundi, kama ningekuwa nafanya mabadiliko kwa wale ambao hawajacheza vizuri ningeweza kumbadilisha kocha.

Maneno ya Carlo Ancelotti.

Real Madrid sasa inasubiri droo ili kujua ni klabu gani ambayo itakutana nayo kwenye hatua ya robo fainali ya Ligi ya mabingwa Barani Ulaya.