Kocha mkuu wa muda wa kikosi cha timu ya Taifa ya Tanzania Hemed Suleiman ametaja kikosi chake kitakachoelekea nchini Azerbaijan kwaajili ya michezo ya FIFA series.
Hemed ametaja kikosi cha wachezaji 23 lakini wengi wamekuwa na maswali ni kigezo gani kimetumika kumuacha nyota wa Yanga ambaye anafanya vyema kwasasa Dickson Job.
Licha ya kuwa kwenye kiwango bora sana mshambuliaji wa KMC Waziri Junior akifunga magoli 11 goli moja nyuma ya vinara wa Ligi kuu ya NBC, pia si sehemu ya kikosi hicho.
Nahodha wa kikosi cha Taifa Stars Mbwana Ally Samatta naye pia hajajumuishwa na kocha Hemed Suleiman kwenye kikosi hicho.
Maoni ya mashabiki;
“Inawezekana vipi kwenye kikosi hiki akakosekana Waziri Junior ambaye amefanya kazi kubwa sana msimu huu hadi hivi sasa?.” – Salim.
“Tunaendaje bila Samatta na Dickson Job, mbona kama hatupo Serious hivi.” – Gansley.
“Kocha tatizo ujuaji mwingi, unaweza vipi kumuacha Samatta.” – Emacky Danny.
“Kwani kikosi anachagua nani mpaka anakuwa na ujasiri wa kumuacha Dickson Job na Samatta ?.” – Nadir.
Kikosi kitakachosafiri ni:
GOLIKIPA.
Aishi Manula [Simba]
Aboutwaleeb Mshery [Yanga]
Kwesi Kawawa [Syrianska, Sweden]
WALINZI
Bakari Mwamnyeto [Yanga]
Ibrahim Hamad [Yanga]
Lusajo Mwaikenda [Azam]
Haji Mnoga [Aldershot Town, England]
Mohamed Hussein [Simba].
Novatus Dismas [Shakhtar Donetsk, Ukraine]
Kennedy Juma [Simba].
Miano Danilo [Villena, Hispania]
VIUNGO.
Feisal Salum [Azam]
Mudathir Yahya [Yanga].
Morice Michael [RFK, Novi Sad, Serbia]
Himid Mao [Tala’ea El Geish, Misri]
Yahya Zayd [Azam]
Tarryn Allarakhia [Wealdstone, England].
WASHAMBULIAJI.
Clement Mzize [Yanga]
Saimon Msuva [Al Najma, Saudi Arabia]
Kibu Denis [Simba]
Abdul Suleiman [Azam]
Ben Starkie [llkeston Town, England]
Charles Mmombwa [Macarthur, Australia].
