Nyota wa Klabu ya soka ya Al Nassr ya Saudi Arabia na timu ya taifa ya Ureno, Cristiano Ronaldo ameendelea kuandika rekodi kama sio kuvunja za kwake mwenyewe zilizopo baada ya kufunga “Hattrick” yake ya 65 ya maisha yake ya Soka.
Cristiano Ronaldo alifanya hivyo kwenye mchezo wa ligi kuu nchini humo walioshinda mabao 8-0 hapo jana dhidi ya timu ya Abha inayonolewa na Kocha Pitso Mosimane.
Ronaldo alifunga bao lake la kwanza dakika ya 11 akifunga kwa shuti kali la pigo huru huku bao la pili akilifunga kwa mtindo huo huo dakika ya 26 kabla ya kufunga bao lake la 3 dakika ya 43 ya mchezo.
Hii inakuwa ni Hattrick yake ya 55 kwa ngazi ya Vilabu huku zingine 10 akizifunga kwenye ngazi ya taifa. Akifunga Hattrick yake ya 2 kwa Al Nassr tena ndani ya siku 3, Lakini pia ni Hattrick yake ya 35 tangu atimize miaka 30.
