Esperance Watakuwa wenyeji wa Al Ahly kwenye mchezo wa kwanza wa Fainali ya Ligi ya Mabingwa Afrika Jumamosi Tarehe 18/05/2024 na marejeano tarehe 25/05/2024 baada ya kufanikiwa kufuzu hatua hiyo kwa kuwatoa Waliotabiriwa makubwa msimu huu, Mamelodi Sundowns.
Klabu hiyo yenye Historia kubwa nchini Tunisia na Afrika kwa ujumla, wamefanikiwa kushinda bao 1-0 nyumbani kwa Mamelodi baada ya kupata ushindi kama huo nyumbani kwao nchini Tunisia na kushinda kwa jumla ya mabao 2-0.
Itakumbukwa kwenye Historia ya michuano hii, Esperance ni miongoni mwa timu chache zilizofanikiwa kutwaa ubingwa mara mbili mfululizo wakifanya hivyo msimu wa 2017-18 na 2018-19 na wanakutana na Al Ahly kwenye msimu wa lili mfululizo huku kumbukumbu zikionyesha walichapika kwa jumla ya mabao 4-0 na wababe hao wa Misri Msimu jana hatua ya Nusu Fainali.
Al Ahly wao wamefanikiwa kuwatoa TP Mazembe kwa jumla ya mabao 3-0 baada ya kutoka 0-0 Lubumbashi.
Fainali hiyo inatarajiwa kuwa ya kukata na shoka ikiwakutanisha mabingwa wa Kihistoria wa michuano hiyo, Al Ahly wakisaka taji lao la 12 na timu isiyoimbwa sana lakini miongoni mwa wababe haswa wa Soka la Afrika wakiwa ni mabingwa mara 4 huku huu ukiwa ni msimu wao wa 8 wakicheza hatua ya Robo Fainali au zaidi Mfululizo.
