Kwenye Vitabu vya Historia ya wachezaji nguli kweli kweli waliowahi Kutamba na Mtibwa Sugar Huwezi kuacha kumtaja John Thomas Masamaki(Marehemu kwa sasa) ambaye pia nyakati fulani alipita kwenye Klabu ya Simba. Mtibwa ile ilikuwa klabu dume haswaa.
Mzee kaondoka lakini hakutuacha wanyonge, katuachia Mwanae atuburudishe kupitia Mchezo wa Soka huo huo, ila kwa namna nyingine na ya kipekee kabisa.
Kutana na Fanuel John Thomas Masamaki maarufu zaidi kwa Jina la Zero Brainer0, kijana wa Mzee wetu John Thomas Masamaki ambaye kaliteka vilivyo soko la Mitandao ya Kijamii kwa video zake zikionyesha akifanya manjonjo kadha wa kadha na kuwavutia Mamilioni ya watu kumfuatilia.
Mzaliwa wa Moshi, Kilimanjaro mnamo tarehe 12/02/1999 akiwa na miaka 25 tu pekee, mitandao ya Kijamii na uundaji wa maudhui umebadilisha kabisa maisha yake huku akiwa ndiye Mtanzania mwenye Wafuasi wengi zaidi kwenye mtandao wa kijamii wa TikTok, Wafuasi Milioni 7.
Ukiachana na Mtandao huo, pia ana wafuasi Milioni 1.7 kwenye Mtandao wa Instagram, huku wafuasi 970,000 wakiendelea kufaidi burudani zake kwenye mtandao wa Youtube. Zero Brainer0 ni miongoni mwana washawishi wakubwa sana kwenye mitandao ya kijamii nchini.
Akitumia zaidi mtindo wa kutengeneza maudhui ya soka kwa kufunga mabao, kupiga, faulo au penati huku akimuiga Cristiano Ronaldo kushangilia na pengine akionekana akicheza mpira na wenzake kwenye mazingira na mandhari ya kipekee huku akihusisha pia vionjo ya uchekeshaji yamezidisha ubunifu na kufanya video zake kuwa na mvuto zaidi hadi nje ya mipaka ya Tanzania.
Mwaka 2023, kwenye tuzo za Dubai Globe Soccer Awards, Zero Brainer0 alifanikiwa kuingia kwenye kinyang’anyiro cha kushindania tuzo ya Mshawishi Bora wa Mitandao ya Kijamii(BEST SOCIAL MEDIA INFLUENCER) akiwa na watu kama AguskaFree, Alnoufali_7, Aminho, Benblack, Footy.Base, Miguel Do Fut, ThobiasFreestyle na wengine wengi na licha ya kwamba hakufanikiwa kushinda lakini ni kama Ushindi mkubwa sana kwake kutambulika na tuzo kubwa kama zile Duniani.
Mwaka uliendelea kuwa wa Ushindi kwake kwani Mchezaji anayemtizamia(Role Model) Cristiano Ronaldo alionyesha kuunga mkono anachokifanya kwa kupenda maudhui yake. Lakini pia kurasa rasmi kubwa Duniani kama 433, Klabu ya Juventus ya Italia, Instatroll Football, House of Highlights, PANNA, FreeKicks walionyesha kushea video zake.
Kana kwamba haitoshi bado ameendelea kufungua mipaka ya mafanikio nje ya Tanzania kwani Nchi kama Kenya, Nigeria, Ghana, Ethiopia, Pakistan mpaka Urusi zinaonekana kusapoti sana kazi zake huku mwana mitindo huru wa soka ambaye ni mshindi mara 3 huko Afrika Kusini, @Mjepa12 pia alishea video zake.
Kwa hapa nchini kwetu ameshafanya mahojiano mengi na TV za Online kama HB TV, Nyundo TV huku Mpenja TV na Clouds Media pia walifanya mahojiano naye ukiacha tu maudhui yake kurushwa na Vyombo kama Wasafi TV na TBC.
Haya yote Kayafanya ZeroBrainer0 ndani ya Mwaka mmoja tu pekee. Kwania alianza kazi yake Mwaka Jana tu 2023, lakini kaiteka Dunia. Huyo ndiyo Fanuel J.T Masamaki, maana halisi ya Nguvu ya Mitandao ya Kijamii.
