International Football
TP MAZEMBE ILIGOMA KUTUMIA NDEGE YA RWANDA.
Klabu ya TP Mazembe inaarifiwa kuwa ilikataa kusafiri na shirika la ndege la Rwanda kutokana na hali mbaya ya kisiasa iliyopo baina ya nchi hizo mbili.
Klabu ya TP Mazembe ya nchini DR Congo inaarifiwa kuwa iligoma kutumia ndege za shirika la ndege la Rwanda ambalo limekodiwa na Shirikisho la Soka Barani Africa CAF kwaajili ya safari ya timu hiyo kuja Tanzania kwaajili ya mchezo wao wa African Football League dhidi ya Esperance de Tunis, mchezo huo unaotarajiwa kupigwa Jumapili hii katika uwanja wa Benjamin Mkapa.
Awali klabu hiyo pia iligomea kuvaa beji ya mdhamini wa mashindano hayo ya VISIT RWANDA kwa sababu za uhusiano mbaya wa kisiasa kati ya Taifa la Rwanda na DR Congo badala yake watavaa beji ya VISIT SAUDI pekee, TP Mazembe tayari wapo nchini kwaajili ya mchezo wao wa kwanza wa African Football League dhidi ya Esperance de Tunis.