Baada ya kupokea kichapo kizito cha goli 3-0 kutoka kwa majirani zao Manchester City mwishoni mwa wiki iliyopita, kocha wa kikosi cha Manchester United Erik Ten Hag aliwataka wachezaji wake wakae kimya ili wasikilize shangwe linalopigwa na wachezaji wa Manchester City, pia wasikilize shangwe la mashabiki wa timu pinzani.
Ten Hag pia aliamuru mapumziko ya siku moja baada ya mechi kuahirishwa ili wachezaji waelewe na wajifunze kutokana na kile walichokosea
Matokeo ya mchezo huo wa Derby yanaifanya Manchester United iwe imepoteza michezo saba (7) kati ya michezo 14 ya kimashindano waliyocheza kwa msimu huu wa 2023/24. Kutokana na matokeo hayo kocha Ten Hag anaamini bado anaaminiwa na uongozi wa juu wa klabu hiyo licha ya mashinikizo anayoyapata kutoka kwa mashabiki.
