GLAZERS, TEN HAG KUKOSA MAZISHI YA BOBBY CHARLTON

Kocha na Meneja wa Manchester United Erik ten Hag hataungana na wachezaji kama Wayne Rooney, Ryan Giggs na Roy Keane katika mazishi ya Sir Bobby Charlton.

Gwiji huyo wa Mashetani Wekundu, aliyeaga dunia Oktoba 21 akiwa na umri wa miaka 86, atazikwa leo Jumatatu kufuatia ibada ya hisia katika Kanisa Kuu la Manchester. Kocha wa zamani wa United Sir Alex Ferguson atakuwa miongoni mwa watakaohudhuria.

Wachezaji wa zamani na wa sasa wa United watakuwepo pia kutoa heshima zao kwa mshindi wa Kombe la Dunia na Ballon d’Or 1966, huku Ole Gunnar Solskjaer, Peter Schmeichel, Andy Cole, Harry Maguire, Luke Shaw na Jonny Evans kati ya wale ambao wapo katika orodha ya wageni.

Idadi ya wachezaji wa sasa hawatakuwepo kwa sababu ya ratiba za mechi za kimataifa na nchi zao. Kocha mkuu wa Uholanzi Ten Hag hayupo kwa sababu ya maelewano hafifu na baadhi ya wachezaji wa zamani wa klabu hiyo kufuatia muenendo usioridhisha, wakati wamiliki wa timu familia ya Glazer wamechagua kukaa pembeni. Glazers hawataki kuchukua vichwa vya habari ikiwa ni siku maalumu kwa Sir Bobby, hii inakuja baada ya presha iliyopo kwa mashabiki kwenda kwa wamiliki wa timu hiyo kushinikiza waachie timu , Iwapo mabadiliko yatafanywa huku mazungumzo yakiwa yamefanywa na maafisa wakuu wa United, basi Joel Glazer ndiye atakuwa mtu wa kuwakilisha familia hiyo.