Ladha na heka heka za Ligi kuu kandanda Tanzania Bara zinarejea kwenye viwanja mbalimbali mwisho wa wiki hii, Ni vyema kukumbusha mahali hekaheka zilipoishia.
Mpaka sasa Stephane Aziz Ki ndiye kinara wa mabao ambapo ana mabao 10 akifuatiwa na Jean Baleke ambaye kwa sasa hayupo kwenye jumba la ladha na heka heka ana mabao 8 sawa na Feisal Salum wa Azam mabao 8.
Kule kwenye kutoa pasi za usaidizi wa mabao (assist) kinara ni mwamba kabisa kutoka Azam Kipre Junior mwenye pasi 6 akifuatiwa na Yao Kouassi Attohoula wa Yanga mwenye pasi 5 huku Impiri mbombo wa Tabora Utd akifuatiwa na pasi 4 sawa na Feisal Salum wa Azam 4,Awessu Ally wa KMC 4,Lusajo Mwaikenda wa Azam 4.
Klabu iliyofunga mabao mengi mpaka sasa ni azam FC mabao 35 wakifuatiwa na Young Africans mabao 31,kisha Simba mabao 23,Singida Fountain gates 17.
Kagera Sugar ndio klabu iliyofunga mabao machache zaidi mpaka sasa mabao 8,wakifuatiwa na Tabora United,Mashujaa FC na Geita Gold mabao 9 kila mmoja.
Kwenye cleansheet mpaka sasa Ley matampi wa Coastal Union ndio kinara ambapo amepata cleansheet 6 akifuatiwa na Yona Amos wa Tanzania Prisons 6,Djigui Diarra wa Young Africans 5 na Constantine Deusdedith wa Geita Gold ana 5,John Noble wa Tabora United pia ana 5.
Mwisho kabisa Mtibwa Sugar ndio wanaongoza kupokea vichapo vingi mpaka sasa,Wamechapika kwenye michezo 10 wakifuatiwa na Ihefu na Mashujaa waliochapika Mara 7 kila mmoja.
