Chelsea na Manchester United wanafuatilia kwa karibu zaidi hali ya mshambuliaji hatari Victor Osimhen na klabu yake ya Napoli huko nchini Italia ili kufanikisha usajili huo katika dirisha kubwa la majira ya joto mnamo 2024.
Kwa mujibu wa Football 365, kama ilivyoripotiwa na Ben Jacobs, Chelsea na Manchester United zimekuwa zikifuatilia hali ya Mnigeria huyo huko Naples nchini Italia, huku klabu ya Napoli ikiwa tayari kuachana na Osimhen ikiwa ofa kubwa itatolewa, hata hivyo, wana wasiwasi kwani hajasaini ofa mpya ya nyongeza ya mkataba wa miaka miwili ambao alipewa na klabu hiyo kwa zaidi ya msimu sasa.
