Imethibitishwa kuwa nyota wa klabu ya Al Hilal ya Saudia Neymar Jr amepata majeraha ya goti katika mchezo wa kutafuta tiketi ya kufuzu fainali za kombe la Dunia mwaka 2026 dhidi ya Uruguay. Neymar aliondolewa uwanjani akiwa analia wakati ambao timu yake ilipopokea kichapo cha goli 2-0 kutoka kwa Uruguay.
Bado haijathibitika Neymar Jr mwenye umri wa miaka 31 atakaa nje kwa muda gani lakini kuna uwezekano wa kukosekana katika mshindano ya Copa America 2024.
Nyota wa zamani wa Barcelona na PSG ambaye anakipiga katika klabu ya Inter Miami, Lionel Messi amemwandikia ujumbe wa kumtakia apone haraka na yupo pamoja nae kwa kipindi hiki.
Nguvu nyingi Neymar.
Messi aliandika ujumbe huu ukiambatana na Picha yake na Neymar kwenye ukurasa wa X.
