LIGI KUU TANZANIA BARA LEO.

Ligi kuu kandanda Tanzania Bara inaendelea leo saa 10:00 Jioni kwa mchezo mmoja kuchezwa kati ya Tanzania Prison dhidi ya JKT Tanzania, Mchezo huu utapigwa katika dimba la CCM Sokoine, Jijini Mbeya.

Tanzania Prisoni ipo nafasi ya 13 ya msimamo wa Ligi Ligi kuu kandanda Tanzania Bara ikiwa na alama nne (4), imecheza michezo mitano (5), imeshinda mchezo mmoja (1), imetoa sare mchezo mmoja (1), na kupoteza michezo mitatu (3).

JKT Tanzania ipo nafasi ya kumi (10) ya msimamo wa Ligi kuu kandanda Tanzania Bara ikiwa na alama saba (7), imecheza michezo mitano (5), imeshinda michezo miwili (2), imetoka sare mara moja (1) na imepoteza michezo miwili (2).

Timu hizi zimekutana mara nane (8), Tanzania Prison imeshinda mara nne (4), JKT Tanzania ieshinda mara moja (1), na timu hizi zimetoka sare mara tatu (3).

Timu hizi mbili mara ya mwisho zilikutana katika hatua ya mtoano wa kutafuta nafasi ya kucheza Ligi kuu msimu wa 2022/23, JKT Tanzania ilikuwa ikiwania nafasi ya kupanda daraja huku Tanzania Prison ikipambana kutokushuka Daraja na matokeo ya jumla Tanzania Prison ikashinda goli 2-1. Mchezo wa kwanza Prison ilishinda 1-0 ugenini na mchezo wa marejeano ukamalizika kwa sare ya 1-1 nyumbani, hivyo Prison akasalia Ligi kuu na JKT akasalia Championship.

Kiingilio cha mchezo wa leo ni Elfu kumi (10,000) jukwaa kuu na Elfu tatu (3,000) mzunguko.

Je, Tanzania Prison ataendeleza ubabe wale leo mbele ya JKT Tanzania au JKT Tanzania atakataa unyonge ?.