Klabu ya Manchester United ipo kwenye mpango wa kumsajili kiungo mshambuliaji wa klabu ya Flamengo ya nchini Brazil Gabriel Barbosa kwenye dirisha dogo la usajili la mwezi January, kama dili hili litakamilika basi Manchester United itampeleka kwa mkopo Antony Dos Santos kwenye klabu ya Flamengo.
Barbosa ambaye mkataba wake na Flamengo unatamatika December 2024, anahitajika zaidi na klabu ya Manchester United inayonolewa na Eric Ten Hag. Mbrazil huyo kwasasa ana thamani ya £20 million ($24.7m), Manchester United inatarajiwa kukutana na upinzani mkubwa kutoka kwa AC Milan.
Barbosa bado anaamini kuwa anahitajika kucheza tena Barani Ulaya licha ya kushindwa kufanya vizuri akiwa na kikosi cha Inter Milan, klabu ambayo alijiunga nayo akitokea Santos ya nchini kwao Brazil, alicheza michezo 10 akiwa na Inter Milan akafunga goli moja (1) pekee.
