RAGE AIPA NAFASI SIMBA KUFUZU CAFCL.

Mwenyekiti wa zamani wa klabu ya Simba Ismail Aden Rage ameipa nafasi klabu ya Simba kufanya vizuri katika michuano ya kimataifa licha ya kuwa katika kipindi kigumu wakitoka kupata matokeo magumu ya kipigo cha 5-1 mbele ya mtani wake klabu ya Yanga.

Kutoka kundi B, Aden ameipa nafasi Wydad AC na klabu ya Simba kufuzu kwenda hatua ya robo fainali mbele ya ASEC Mimosas ya Ivory Coast na Jwaneng Galaxy ya Botswana.

Kitu pekee alichowaomba viongozi wa Simba wazungumze na wanachama wao ili waweze kurejesha upendo ambao utapelekea wachezaji warudi kwenye hali ya kawaida.

Natoa nafasi kwa Wydad AC na Simba kuvuka hatua ya makundi lakini Simba wanapaswa kubadilika warudi kwenye hali yao ya kawaida, baada ya kufungwa tano na Yanga, Simba wamepaniki kuliko kujua wana kazi kumbwa mbele yao.

Mpira sasa hivi upo kwenye uongozi wa Simba, viongozi wa Simba wana uwezo wa kurudisha upendo, lazima viongozi wawe wepesi kuongea na waandishi wa habari.

Tangu Simba ianzishwe haijawahi kufungwa goli 5 na Yanga hii ni rekodi.

Aden Rage akizungumzia nafasi ya Simba kufuzu Robo fainali CAFCL.