Mabingwa watetezi klabu ya Manchester City imeruhusu mabao 10 katika michezo yao minne iliyopita katika michuano yote huku ikiendelea kuangusha pointi kwa wapinzani wao katika Ligi Kuu nchini Uingereza (EPL). Manchester City ilishinda mechi zao sita za kwanza za msimu wa Ligi Kuu ya Uingereza, wengi walihisi hatima ya ubingwa ilikuwa tayari kukamilika. Kikosi cha Pep Guardiola kilikuwa kimetoka kwenye mitego kwa kasi zaidi kuliko tunavyoona kawaida, na walionekana kutabiriwa kuchukua kombe la ligi kwa mara ya nne mfululizo.
Walakini, wale ambao walichukua mtazamo kwenye mechi zao zijazo walijua kuwa kulikuwa na hali ngumu kwenye upeo wa macho, na kwa hivyo imethibitishwa. City wameshinda mechi tatu pekee kati ya nane zilizopita za ligi, na hawajashinda katika mechi tatu baada ya kusalimisha uongozi mara mbili dhidi ya Tottenham na kutoka sare ya 3-3 Jumapili. Kwa hivyo, wamejitoa kileleni mwa msimamo wa Ligi Kuu, na maswali mazito yanaulizwa kwa mabingwa hao, haswa safu ya ulinzi, ambapo wameruhusu mabao 10 katika michezo yao minne iliyopita kwenye mashindano yote.
Ratiba ngumu kwa Mnachester City inaonekana kufikia tamati siku ya Jumatano katika mchezo unaofuata watakapo safiri hadi Villa Park kucheza na Aston Villa ya Unai Emery ambayo imekuwa na muendelezo mzuri wa matokeo wakiwa katika uwanja wao wa nyumbani.
lakini pia wachezaji muhimu Rodri na Jack Grealish wamesimamishwa, na jeraha lililomzunguka Jeremy Doku baada ya kuanza kuchechemea mapema katika kipindi cha pili inaonesha dalili mbaya kwa kikosi cha Pep Guardiola hiyo. Iwapo Manchester City watapoteza mchezo huo, basi kutakuwa na sintofahamu kwa timu hiyo kuelekea katika kuutetea ubingwa huo na kuweka historia ifikapo mwezi Mei.
