MASHABIKI YANGA WASIKITIKA KUONDOKA KWA MOLOKO.

Nyota wa klabu ya Yanga raia wa Congo DR, Jesus Moloko rasmi amewaaga mashabiki wa klabu hiyo kupitia ukurasa wake wa Instagram kwa kuwaonyesha upendo.

Nyota wa zamani wa klabu ya Yanga, anayeitumikia Pyramids ya Misri, Fiston Mayele amemtakia kila lakheri nyota huyo.

“Kila lakheri pikipiki, maisha ni popote” aliandika Fiston Mayele.

“Ahsante sana Moloko umeifanya klabu yetu tujivunie Afrika”, Shabiki mmoja aliandika.

“Daah wachezaji waliofanya vizuri kwenye klabu unayoipenda wakiwa wanaondoka roho huwa inauma sana, Kama Moloko utatamani waendelee kubaki tu, lakini ni jambo ambalo haliwezekani tena, Moloko uliipambania klabu kwa moyo wako wote kwaheri Moloko”, Aliandika shabiki mwingine wa Yanga.

Nyota huyo sasa ni dhahiri anaondoka klabuni hapo akipisha nafasi ya Augustine Okrah aliyesajiliwa na kikosi hicho kwenye dirisha hili dogo la usajili ambalo limebakiza masaa machache kufungwa.