Nigeria na Cameroon zinatarajiwa kumenyana katika hatua ya 16 bora katika michuano ya Kombe la Mataifa ya Afrika 2023 huku timu zote zikiwa na hamu ya kutinga hatua ya robo fainali ya michuano hiyo.
Baada ya kumaliza hatua ya makundi katika nafasi ya pili, Nigeria ilipata pointi sawa na Equatorial Guinea, huku tofauti ya mabao ikiamua nafasi zao. Nigeria inalenga kuendeleza msururu wa ushindi katika mechi ijayo dhidi ya Cameroon.
Kwa upande mwingine, Indomitable Lions ilifanikiwa kutinga hatua ya mtoano kwa bao la dakika za mwisho la Christopher Wooh katika pambano kali la mabao matano dhidi ya Gambia. Huku wakiwa na hali ya kujiamini, Cameroon imedhamiria kuiondoa Nigeria katika michuano hiyo na kufufua kasi yao ya ushindi.
TAARIFA KUHUSU TIMU YA TAIFA YA NIGERIA.
Nigeria inaweza kuchagua kusalia na mabeki watatu kwa mara nyingine, kufuatia kutumia mfumo huu katika mechi yao ya hivi majuzi ya hatua ya makundi.
Ingawa Alhassan Yussuf na William Troost-Ekong wanaweza kuungana tena na kikosi, wanaweza kujikuta wakianzia benchi.
Mshambuliaji hatari klabu ya Atalanta Ademola Lookman anatarajiwa kuanza pamoja na supastaa wa Napoli Victor Osimhen.
KIKOSI CHA NIGERIA KINACHO TAZAMIWA KUANZA: Nwabali; Alina, Bassey, Ekong, Ajayi, Bassey; Iwobi, Onyeka; Chukwueze, Osimhen, Lookman.
TAARIFA KUHUSU TIMU YA TAIFA YA CAMEROON.
Kikosi cha Cameroon kitapata nguvu baada ya kurejea kwa mshambuliaji Vincent Aboubakar, ambaye amepona jeraha la paja. Rigobert Song analenga kumjumuisha mshambuliaji huyo muhimu katika kikosi cha kwanza.
Katika hatua ya kijasiri, kocha huyo aliamua kumuweka benchi kipa wa Manchester United Andre Onana katika mchezo wa mwisho wa Cameroon dhidi ya Gambia.
Mchezaji huyo wa zamani wa Inter Millan anaweza kujikuta tena miongoni mwa wachezaji wa akiba, huku Fabrice Ondoa akiendelea kushikilia nafasi yake kama kipa anayeanza.
KIKOSI CHA CAMEROON KINACHO TAZAMIWA KUANZA: Ondoa; Castelletto, Wooh, Tolo; Mbiayi, Ntcham, Anguissa, Yongwa; Ekambi, Aboubakar, N’Koudou.
MARA YA MWISHO KUKUTANA.
Rekodi zinaonesha Nigeria ni mbabe wa Cameroon baada ya michezo yao mitano ya mwisho iliyoikutanisha mataifa haya mawili. Nigeria akishinda mara mbili dhidi ya moja ya Cameroon huku wakipata sare katika michezo miwili, Nigeria ikifunga jumla ya magoli saba (07) dhidi ya manne (04) ya Cameroon.
Pia katika mchezo huu Cameroon anaingia akiwa na Kumbukumbu baada ya kupoteza kwa mabao manne 4-0 mwezi Septemba 2017.
Cameroon 0-0 Nigeria – 8 Jun 2021
Nigeria 0-1 Cameroon – 5 Jun 2021
Nigeria 3-2 Cameroon – 6 Jul 2019
Cameroon 1-1 Nigeria – 4 Sept 2017
Nigeria 4-0 Cameroon – 1 Sept 2017
