Ligi kuu kandanda Tanzania Bara inatarajiwa kuendelea leo majira ya saa kumi [16:00] jioni kwa mchezo mmoja kati ya Tabora United dhidi ya Simba.
Mchezo wa Tabora United na Simba utachezwa katika uwanja wa Ali Hassan Mwinyi mkoani Tabora, kila timu inahitaji ushindi hii leo ili ijiweke sehemu nzuri kwenye msimamo wa Ligi.
Timu hizi mbili hazijawahi kukutana kwenye michezo ya Ligi kuu kutokana na Tabora United kupanda Daraja msimu huu, hizi ni takwimu za timu zote mbili kuelekea mchezo wa leo.
- Simba ipo nafasi ya tatu [3] ya msimamo wa Ligi ikiwa na alama 26 katika michezo 11 iliyocheza, imefunga magoli 24 na kufungwa magoli 13.
- Simba imepoteza mchezo mmoja [1], imetoa sare michezo miwili [2] na imeshinda michezo nane [8], kama ikishinda leo itaendelea kusalia kwenye nafasi ile ile.
- Tabora United ipo nafasi ya 12, imevuna alama 15 katika michezo 13 iliyocheza, imefunga magoli tisa [9] na kufungwa 12.
- Tabora United imepoteza michezo minne [4], imetoa sare michezo sita [6], imeshida michezo mitatu [3].
- Tabora ikiwa kwenye uwanja wake wa nyumbani imecheza michezo mitano [5], imeshinda michezo mitatu [3], imetoa sare mchezo mmoja [1], imepoyeza mchezo mmoja [1], imevuna alama kumi [10].
- Tabora United imefunga magoli saba [7] ikiwa nyumbani na imefungwa magoli manne [4] ikiwa nyumbani.
- Simba imecheza michezo mitano [5] ikiwa ugenini na imeshinda michezo minne [4], Sare mchezo mmoja [1], imevuna jumla ya alama 13.
- Simba imefunga magoli 12 na imefungwa magoli sita [6], ikiwa uwanja wa ugenini.
Kama Simba ikishinda mchezo wa Leo, itakuwa timu iliyokusanya alama nyingi zaidi kwenye viwanja vya ugenini.
