SINGIDA FG FC YAVUNJA BENCHI ZIMA LA UFUNDI

Klabu ya Singida Fountain Gate imetangaza kuvunja benchi zima la ufundi la klabu hiyo lililokuwa likiongozwa na kocha raia wa Afrika Kusini Thabo Thenong.

Bodi na menejimenti ya klabu ya Singida Fountain Gate imefikia uamuzi wa kuvunja benchi zima la ufundi lililokuwa likiongozwa na kocha Thabo Thenong kufuatia mfululizo wa matokeo mabaya ya timu yetu.

Kufuatia uamuzi huo, uongozi utatangaza benchi jipya ya ufundi muda wowote kutoka sasa.

Taarifa kutoka Singida Fountain Gate.

Klabu ya Singida Fountain Gate imekuwa haina matokeo mazuri kwa kipindi cha hivi karibuni hasa kwenye mzunguko wa pili wa Ligi kuu kandanda Tanzania Bara.

Ikumbukwe klabu hiyo iliwauza baadhi ya nyota wake wa kikosi cha kwanza kwenda Ihefu na Gadiel Michael kwenda nchini Afrika Kusini.

Klabu ya Singida Fountain Gate ipo nafasi ya 11 ya msimamo wa Ligi na imekusanya alama 21 kwenye michezo 19.